ଛତିଆ: ସେବା, ସମ୍ମାନ, ସହଯୋଗ ମନ୍ତ୍ରରେ ଅନୁପ୍ରାଣିତ ଯୁବ ସଙ୍ଗଠନ MEMU GROUP ର ସେବା ପରିବାର ତରଫରୁ ଏକ ମହତ୍ ସେବା କାର୍ଯ୍ୟକ୍ରମ ଅନୁଷ୍ଠିତ ହୋଇଛି।ଗତ କାଲି ସୋଲାର, ଛତିଆ ସ୍ଥିତ ସେବକ ଜରାଶ୍ରମ ରେ ଅନ୍ତେବାସୀ ବୃଦ୍ଧ ବୃଦ୍ଧାଙ୍କ ପାଇଁ ଅନ୍ନ ଭୋଜନ ସେବା ର ଆୟୋଜନ କରାଯାଇଥିଲା। ଏହି ଅବସରରେ ଗ୍ରୁପର ପ୍ରାୟ ୨୫ ରୁ ଅଧିକ ସଦସ୍ୟ ଉପସ୍ଥିତ ରହି ଜରାଶ୍ରମର ସମସ୍ତ ଅନ୍ତେବାସୀଙ୍କୁ ଆଦରର ସହ ଭୋଜନ ପରିବେଷଣ କରିଥିଲେ ଏବଂ ସେମାନଙ୍କ ସୁଖ ଦୁଃଖ ବୁଝିଥିଲେ।MEMU GROUP ର ସଦସ୍ୟମାନେ କହିଛନ୍ତି, “ଏହା ଆମ ତରଫରୁ ଗୋଟେ ଛୋଟ ପ୍ରୟାସ।
ସମାଜର ଅବହେଳିତ ବର୍ଗଙ୍କ ପାଇଁ କିଛି କରିପାରିଲେ ଆମେ ନିଜକୁ ଧନ୍ୟ ମନେ କରୁ। ସେବା ହିଁ ଆମର ଧର୍ମ।”ଏହି ସେବା କାର୍ଯ୍ୟରେ ସ୍ଥାନୀୟ ଅଞ୍ଚଳରେ ଗ୍ରୁପର ପ୍ରଶଂସା କରାଯାଉଛି। ଆଗାମୀ ଦିନରେ ମଧ୍ୟ ଏପରି ସେବା କାର୍ଯ୍ୟ ଜାରି ରହିବ ବୋଲି ଗ୍ରୁପ ପକ୍ଷରୁ ସୂଚନା ଦିଆଯାଇଛି।ଏହି ଗ୍ରୁପ ର ରାମଚନ୍ଦ୍ର ପ୍ରତାପ, ତ୍ରିଲୋଚନ ନାୟକ,ଅଜିତ କୁମାର ବାରିକ, ତପନ କୁମାର ନାୟକ ଉକ୍ତ କାର୍ଯ୍ୟକ୍ରମ କୁ ପରିଚାଳନା କରିଥିଲେ l ସେବା ପରିବାରର ସଦସ୍ୟ ରାମଚନ୍ଦ୍ର ପ୍ରତାପ,ବିପିନ ଚନ୍ଦ୍ର ବେହେରା,ଜୀବନଯ୍ୟୋତି ନାୟକ,ସନ୍ତୋଷ କୁମାର ପୃଷ୍ଟି,ତପନ କୁମାର ନାୟକ,ନରେନ୍ଦ୍ର କୁମାର ଓଝା,କ୍ଷିତିଶ କୁମାର ନାୟକ,କ୍ରିଷ୍ଣା ପ୍ରସାଦ ବିଶ୍ୱାଳ,ପ୍ରୀତି ରଞ୍ଜନ ପ୍ରତାପ,ରାମ ଚନ୍ଦ୍ର ଜେନା,ତାପସ କୁମାର ମହାନ୍ତି,କ୍ଷିତିଶ ଚନ୍ଦ୍ର ବେହେରା,ତୃପ୍ତି ରଞ୍ଜନ ଦାସ,ପୁଷ୍ପ ରେଖା ବିଶ୍ୱାଳ,ତ୍ରୀଷ୍ଣା ନାୟକଙ୍କ ସମେତ ଅନ୍ୟ ସଦସ୍ୟ ମାନେ କାର୍ଯ୍ୟକ୍ରମ ରେ ସହଯୋଗ ପ୍ରଦାନ କରିଥିଲେ l
