୨୦୨୬ ପାଇଁ ପଦ୍ମ ପୁରସ୍କାର ଘୋଷଣା: ଓଡ଼ିଶାରୁ ପାଇବେ ୪ ଜଣ

ନୂଆଦିଲ୍ଲୀ: ୨୦୨୬ ବର୍ଷରେ ପଦ୍ମ ପୁରସ୍କାର ପାଇବେ ମୋଟ ୧୩୧ ଜଣ। ଏ ନେଇ ଭାରତ ସରକାରଙ୍କ ଦ୍ୱାରା ସମ୍ମାନଜନକ ପଦ୍ମ ପୁରସ୍କାର ଘୋଷଣା ହୋଇଛି।୫ ଜଣଙ୍କୁ ପଦ୍ମ ବିଭୂଷଣ, ୧୩ ଜଣଙ୍କୁ ପଦ୍ମ ଭୂଷଣ, ୧୧୩ ଜଣଙ୍କୁ ପଦ୍ମଶ୍ରୀ ସମ୍ମାନରେ ସମ୍ମାନିତ କରାଯିବ। ସେଥିମଧ୍ୟରେ ଓଡ଼ିଶାରୁ ୪ ଜଣ ରହିଛନ୍ତି, ଯେଉଁମାନେ ପଦ୍ମଶ୍ରୀ ପୁରସ୍କାର ପାଇବେ ବୋଲି ଘୋଷଣା ହୋଇଛି। ଏହି ପୁରସ୍କାରଗୁଡ଼ିକ କଳା, ସାର୍ବଜନୀନ ବ୍ୟାପାର, ଚିକିତ୍ସା, ସାହିତ୍ୟ ଏବଂ ଶିକ୍ଷା, କ୍ରୀଡା, ବିଜ୍ଞାନ ଏବଂ ଇଞ୍ଜିନିୟରିଂ, ସାମାଜିକ କାର୍ଯ୍ୟ, ଏବଂ ବାଣିଜ୍ୟ ଏବଂ ଶିଳ୍ପ ଭଳି ବିବିଧ କ୍ଷେତ୍ରରେ ଅସାଧାରଣ ଅବଦାନକୁ ସ୍ୱୀକୃତି ଦିଏ। ଚଳିତ ବର୍ଷର ତାଲିକାରେ ୧୯ ଜଣ ମହିଳା ପୁରସ୍କାରପ୍ରାପ୍ତ, ବିଦେଶୀ/ପ୍ରବାସୀ/ପିଆଇଓ/ଓସିଆଇ ବର୍ଗରୁ ୬ ଜଣ ଏବଂ ୧୬ ଜଣ ମରଣୋତ୍ତର ସମ୍ମାନ ପାଇବା ନେଇ ଘୋଷଣା ହୋଇଛି।